2025 წლის იანვარ-სექტემბრის სტატისტიკური მაჩვენებლების მიხედვით, სადაზღვევო კომპანიების მიერ ანაზღაურებულმა სადაზღვევო ზარალების მოცულობამ 551 მლნ ლარი შეადგინა, მაშინ როდესაც 2024 წლის 9 თვეში აღნიშნული მაჩვენებელი 573 მლნ ლარს შეადგენდა. 

ირკვევა, რომ ანაზღაურებული ზარალით, პირდაპირი დაზღვევის საქმიანობიდან, სადაზღვევო კომპანია ჯიპიაი ჰოლდინგი ლიდერობს, რომელსაც 9 თვეში მზღვეველებისთვის 110 მლნ ლარის ზარალის ანაზღაურება მოუწია.

ანაზღაურებული ზარალი კომპანიების მიხედვით:

• ჯიპიაი - 110 მლნ ლარი;
• თიბისი - 85 მლნ ლარი;
• ალდაგი - 72 მლნ ლარი;
• იმედი L - 63 მლნ ლარი;
• არდი - 48 მლნ ლარი;
• ბენეფიტი - 36 მლნ ლარი;
• ირაო - 31 მლნ ლარი;
• პსპ - 26 მლნ ლარი;
• უნისონი - 16 მლნ ლარი;
• ალფა - 14 მლნ ლარი;
• ნიუ ვიჟენ - 12 მლნ ლარი;
• სადაზღვევო ჯგუფი - 12 მლნ ლარი;
• ევროინსი - 8 მლნ ლარი;
• ბბ დაზღვევა - 6 მლნ ლარი;
• პრაიმი - 5,4 მლნ ლარი;
• ავტოგრაფი - 3 მლნ ლარი;
• ქართუ - 1,9 მლნ ლარი;
• ტაო - 1,6 მლნ ლარი;
• გრინ დაზღვევა - 0,6 მლნ ლარი;

საქართველოს დაზღვევის სახელმწიფო ზედამხედველობის სამსახურის მონაცემებით, 2025 წლის 30 სექტემბრის მდგომარეობით რეგისტრირებულია 19 სადაზღვევო კომპანია, რომლებიც ფლობენ სიცოცხლის და არასიცოცხლის დაზღვევის ლიცენზიას.

2025 წლის 9 თვის განმავლობაში მოზიდულმა სადაზღვევო პრემიამ პირდაპირი დაზღვევის საქმიანობიდან შეადგინა 1 098 მილიონი ლარი. ამავე პერიოდის შედეგებით მზღვეველების სადაზღვევო მოგებამ შეადგინა 272 მილიონი ლარი, წმინდა მოგებამ კი 113 მილიონი ლარი. სადაზღვევო კომპანიების აქტივების ჯამური მოცულობა შეადგენს 1 696 მილიონ ლარს, ხოლო კაპიტალი 517 მილიონ ლარს.