ამბასადორი აილენდ ბათუმის პროექტის ინიცირება საქართველოში გლობალური ეკონომიკური ინიციატივის ფარგლებში მოვახდინეთ - გოჩა კამკია

ბიზნესი

„ამბასადორი აილენდ ბათუმის“ პროექტის 50%-ზე მეტი უკვე განხორციელებული გვაქვს - გოჩა კამკია

22.12.2025.12:37

„ამბასადორი აილენდ ბათუმის“ პროექტის 50%-ზე მეტი უკვე განხორციელებული გვაქვს, - აცხადებს Ambassadori Island Batumi-ს გენერალური დირექტორი გოჩა კამკია, რომელიც გადაცემა „იმედის დილაში“, რუბრიკა Business Insider Georgia-ს სტუმარი იყო.

მისი თქმით, პროექტის განხორციელება წინასწარ გაწერილ განვითარების გეგმას დაახლოებით 5 წლით უსწრებს.

„ვინაიდან 26 ჰა უკვე მივიღეთ ექსპლუატაციაში და 48 ჰა უკვე გვაქვს განაშენებული, ეს იმას ნიშნავს, რომ პროექტის 50%-ზე მეტი უკვე განხორციელებულია. ამ მაჩვენებლებით კი ჩვენ დაახლოებით 5 წლით ვუსწრებთ იმ საინვესტიციო ვადებს, რომლებიც სახელმწიფოს წინაშე გვაქვს აღებული.

2026 წელი ჩვენთვის ძალიან საქმიანი იქნება, ვინაიდან დაგეგმვის ეტაპიდან უკვე განხორციელების ფაზაში ვართ გადასულები და ამ დროისათვის ტერიტორიაზე სხვადასხვა დაგეგმილი პროექტი განხორციელდება.

კუნძულზე ულტრათანამედროვე კომპლექსის მშენებლობა უკვე დავიწყეთ და მომავალ წელს ტერიტორიაზე სავაჭრო ცენტრის მშენებლობაც იგეგმება.

ვინაიდან უკვე გაცემულია შესაბამისი ნებართვა, ტონინო ლამბორგინის თაუერის პროექტის განხორციელებაც მომავალ წელს დაიწყება.

ბათუმის ამბასადორის კუნძული არ არის უბრალოდ სამშენებლო ობიექტი, ის უკვე ცოცხალი ორგანიზმია, რომელიც მასპინძლობს მიმდინარე ეკონომიკურ პროექტებს და მზად არის როგორც დანარჩენი ბიზნესისთვის, ისე საერთაშორისო ინვესტორებისთვის, რათა მოხდეს ახალი პროექტების მიღება. ჩვენ გვაქვს აბსოლუტურად გამართული ინფრასტრუქტურა“, - განმარტავს კამკია.

2025 წელს მნიშვნელოვანი შედეგები გვქონდა პროექტის განვითარების თვალსაზრისით - ამბასადორი აილენდ ბათუმი 22.12.2025.12:33