„ამბასადორი აილენდ ბათუმი“ სტრატეგიული კავშირების ქსელს ბრიტანულ ბაზარზე აფართოებს
„ამბასადორი აილენდ ბათუმის“ ერთ-ერთ სტრატეგიულ პრიორიტეტს დიდ ბრიტანეთში ძლიერი წარმომადგენლობის ჩამოყალიბება და კავშირების ქსელის გაფართოება წარმოადგენს. პროექტისადმი ინტერესი მნიშვნელოვნად იზრდება - კომპანიამ წარმატებით გახსნა წარმომადგენლობები GCC-ის ქვეყნებსა და აღმოსავლეთ ევროპაში, რამაც საერთაშორისო მასშტაბით პროექტის პოზიციონირება კიდევ უფრო გააძლიერა.
„ამბასადორი აილენდ ბათუმის“ ინიციატივით, ბათუმმა ბრიტანულ დელეგაციას უმასპინძლა. ბრიტანული გაყიდვების სააგენტოს წარმომადგენლების ვიზიტი მიზნად ისახავდა შავი ზღვის აუზში პირველი ხელოვნური კუნძულის პროექტის სამშენებლო დინამიკის შეფასებასა და მისი საინვესტიციო პოტენციალის სიღრმისეულ ანალიზს, რაც პროექტის ბრიტანულ ბაზარზე პოზიციონირებისთვის საჭირო, სტრატეგიული გეგმის ნაწილია.
ვიზიტის დღის წესრიგი მოიცავდა მრავალმხრივ შეხვედრას, სადაც აჭარის ტურიზმისა და კურორტების დეპარტამენტის, საქართველოს ბანკისა და Galt & Taggart-ის წარმომადგენლები მონაწილეობდნენ.
ბრიტანულ დელეგაციას „ამბასადორი აილენდ ბათუმის“ გუნდმა პროექტის დეტალური პრეზენტაცია, სამომავლო განვითარების სტრატეგია და სამართლებრივი ჩარჩო წარუდგინა, რომელშიც ხაზგასმული იყო პროექტის ექსკლუზიურობა, ინოვაციური სტანდარტები და იურიდიული ჩარჩო, რომლებიც პრემიუმ კლასის უძრავი ქონების ბაზარზე მას დიდ უპირატესობას ანიჭებს და კუნძულს გაერთიანებული სამეფოს მაღალი მოთხოვნების მქონე საინვესტიციო წრეებისთვის პრიორიტეტულ მიმართულებად აქცევს.
დღის ტოპ 10 სიახლე
სხვა სიახლეები
16 თებერვლიდან Business Insider Georgia ახალ, რეგულარულ ბიზნეს მედია პროდუქტს შემოგთავაზებთ
15.02.2026.19:33
კოკა-კოლას „წლის რეგიონი“ - დაჯილდოება თანამშრომლებისა და პარტნიორების წახალისებისთვის
13.02.2026.21:56
ჩვენი მიზანია გავხდეთ საქართველოს წამყვანი სასტუმრო - Le Méridien Batumi-ს ახალი გენერალური მენეჯერი
13.02.2026.18:00
