ალუმინის სისტემების ექსპორტი ამერიკის შეერთებულ შტატებში - არქლაინის წარმატებული ნაბიჯი

არქლაინ ენჯინეარინგი ერთ-ერთი პირველი ქართული კომპანიაა, რომელმაც შეძლო ალუმინის კარ-ფანჯრებისა და ვიტრაჟების ექსპორტის წარმატებით განხორციელება შეერთებულ შტატებში. დღესდღეობით კომპანია უკვე სთავაზობს უმაღლესი ხარისხის ალუმინის სისტემებს არა მხოლოდ ადგილობრივ მომხმარებლებს, არამედ ამერიკელ კლიენტებსაც.

ამ ეტაპზე ექსპორტი მოიცავს ალუმინის კარ-ფანჯრებს, ვიტრაჟებს, სლაიდურ სისტემებს და ფასადურ კონსტრუქციებს.

რა გამოწვევები ახლდა თან ამ პროცესს, როგორია ამერიკელი მომხმარებლის მოთხოვნები და რა გეგმები აქვს კომპანიას? ამ თემებზე ვესაუბრეთ კომპანიის კომერციულ დირექტორს — მარიამ ჯაფარიძეს.

1. რას მოიცავს ექსპორტი და რა პროდუქტებს სთავაზობთ?

„არქლაინი“ სპეციალიზებულია ალუმინის კარ-ფანჯრების წარმოებასა და რეალიზაციაში. ჩვენი ექსპორტი მოიცავს არა მხოლოდ სტანდარტულ, არამედ პერსონალიზებულ შემინვით სისტემებსაც, რომლებიც სრულად ადაპტირებულია ამერიკული ბაზრის ტექნიკურ და ესთეტიკურ მოთხოვნებთან.

ამ ეტაპზე ვაწვდით მაღალი ხარისხის ალუმინის კარ- ფანჯრებს, თანამედროვე დიზაინის მქონე სლაიდურ კარებს და საფასადე სისტემებს კომერციული და საცხოვრებელი ობიექტებისთვის.

2. რა გამოწვევებს გაუმკლავდით ექსპორტის განხორციელებამდე?

ამერიკის ბაზარზე შესვლა მნიშვნელოვანი ნაბიჯი იყო კომპანიისთვის და მოითხოვდა სიღრმისეულ კვლევასა და მომზადებას. ჩვენი გუნდი დეტალურად გაეცნო ადგილობრივ რეგულაციებსა და ტექნიკურ მოთხოვნებს, რაც ერთ-ერთი მთავარი წინაპირობაა ამ ბაზარზე წარმატებით საქმიანობისთვის.

სიხარულით შეგვიძლია ვთქვათ, რომ მაღალი ხარისხის სტანდარტები, რაც ამერიკის ბაზრისთვის განსაკუთრებით მნიშვნელოვანია, ჩვენს წარმოებასთან უკვე თანხვედრაში იყო. სწორედ ამიტომ, ექსპორტის გადაწყვეტილების მიღებიდან ძალიან მალე შევძელით საწყის ეტაპზე ისეთ მნიშვნელოვან მიმართულებებზე გასვლა, როგორებიცაა: ნიუ-იორკი, ნიუ-ჯერსი, ფლორიდა და ჯორჯია.

ამასთან, აქტიურად ვაწარმოებთ მოლაპარაკებებს დასავლეთ სანაპიროს შტატებთანაც — მათ შორის კალიფორნიასა და ტეხასთან. ეს რეგიონები გამოირჩევა სწრაფად მზარდი მშენებლობის სექტორითა და ინოვაციური არქიტექტურული მიდგომებით, რაც სრულად შეესაბამება „არქლაინის“ ხედვასა და პროდუქციის ხასიათს.

ჩვენი მიზანია, მაქსიმალურად გავაფართოვოთ ექსპორტის არეალი და გავაცნოთ ამერიკელ მომხმარებლებს ქართული წარმოება.

3. თქვენი აზრით, რამდენად მნიშვნელოვანია ქვეყნისთვის აღნიშნული ექსპორტი?

საქართველოსთვის მნიშვნელოვანია, რომ ადგილობრივი წარმოებები განვითარდეს და საერთაშორისო ბაზარზე კონკურენტუნარიანი გახდეს. ჩვენი პროდუქციის ექსპორტი ამაღლებს ქვეყნის ეკონომიკურ პოტენციალს, ქმნის ახალ სამუშაო ადგილებს და ხელს უწყობს ინოვაციების დანერგვას სამშენებლო სფეროში.

ამერიკაში შესვლით ჩვენ არამარტო „არქლაინის“ საერთაშორისო მასშტაბით განვითარებას ვაძლიერებთ, არამედ საქართველოში წარმოებული პროდუქციის ცნობადობასაც ვზრდით. ეს არის კიდევ ერთი დადასტურება იმისა, რომ ქართულ ინდუსტრიას შეუძლია გლობალურ ასპარეზზე ღირსეული ადგილი დაიმკვიდროს.

4. რა არის კომპანიის სამომავლო გეგმები?

ამერიკის ბაზარზე შესვლა „არქლაინის“ საერთაშორისო განვითარების პირველი და უმნიშვნელოვანესი ეტაპია, თუმცა ამით ჩვენი ამბიცია არ სრულდება. მომდევნო წლებში ვგეგმავთ ექსპორტის გაფართოებას ევროპის მიმართულებით — განსაკუთრებით ისეთ სტრატეგიულ ბაზრებზე, როგორიცაა ინგლისი, საფრანგეთი და იტალია.

ამ ქვეყნებში ალუმინის კარ-ფანჯრებზე და ენერგოეფექტურ არქიტექტურულ სისტემებზე მოთხოვნა მუდმივად იზრდება, რაც „არქლაინისთვის“ დიდ შესაძლებლობად იქცა. ამ ეტაპზე უკვე ვატარებთ ბაზრის კვლევებს და ვმუშაობთ ადგილობრივი სტანდარტებისა და რეგულაციების დეტალურ შესწავლაზე.

ჩვენ გვჯერა, რომ „არქლაინის“ სახელწოდება მომავალში ასოცირებული იქნება ხარისხთან, ინოვაციასთან და სანდოობასთან — როგორც ადგილობრივად, ისე საერთაშორისო დონეზე. სწორედ ამ გზით ვაგრძელებთ განვითარებას და ვმკვიდრებთ საქართველოს სამშენებლო ინდუსტრიის სახელს გლობალურ ბაზარზე.

6. ამჯერად რა სერვისებით შეუძლია ქართველ მომხამრებელს ისარგებლოს?

„არქლაინის“ პროდუქცია სრულად ხელმისაწვდომია როგორც კორპორატიული, ისე ფიზიკური მომხმარებლისთვის საქართველოში. ჩვენი შეთავაზება მოიცავს: ალუმინის კარ-ფანჯრებს,  სლაიდურ კარებს,  მინის მოაჯირებს, ფასადურ სისტემებსა და კომპოზიტურ პანელებს.

ჩვენ ვთანამშრომლობთ დეველოპერებთან, სამშენებლო კომპანიებთან, ასევე ინდივიდუალურ მომხმარებლებთან — მათთან, ვისაც სურს საკუთარ სახლს შესძინოს მაღალი ხარისხის, ინოვაციური და უსაფრთხო არქიტექტურული ელემენტები.

„არქლაინის“ საწარმო აღჭურვილია თანამედროვე ტექნოლოგიებით, რაც საშუალებას გვაძლევს მაქსიმალურად ზუსტი, ხარისხიანი და მძლავრი პროდუქტი შევთავაზოთ თითოეულ კლიენტს. ჩვენთვის უმთავრესია ხარისხი, სიზუსტე და მომხმარებლის კმაყოფილება — ეს არის პრინციპები, რომლებზეც ჩვენი ყოველდღიური საქმიანობა დგას.

კომპანიის შესახებ დამატებითი ინფორმაციის მისაღებად, პროექტის ბიუჯეტის დასადგენად ან სხვა კითხვებისთვის მიმართეთ კომპანიას  (+995) 511 107 479

www.archline.ge