სადაზღვევო კომპანია ალდაგი 2025 წლის 9 თვის შედეგებს აჯამებს. ამ პერიოდის განმავლობაში ალდაგის მხრიდან მომხმარებლისთვის ანაზღაურებულმა თანხამ 75 მლნ ლარი შეადგინა, როგორც MSME, ისე კორპორატიული და საცალო მიმართულებით.

ალდაგი არასასიცოცხლო დაზღვევის (P&C) სეგმენტში ოპერირებს და ამ სახეობებში ბაზრის წილს ყოველწლიურად აფართოებს. 2025 წლის სექტემბრის მდგომარეობით, ალდაგი ქონების დაზღვევის სეგმენტში ლიდერია და ბაზრის 48%-იან წილს ფლობს.

კომპანია 150,000-მდე მომხმარებელს ემსახურება, რაც იმას ნიშნავს, რომ ალდაგის ნდობის მაჩვენებელი წლიდან წლამდე უფრო იზრდება. ზრდის ყველაზე მაღალი ტემპით მცირე და საშუალო ბიზნესი გამორჩევა.

2025 წელს ალდაგმა მომხმარებლებს არაერთი სიახლე შესთავაზა. შეიქმნა ახალი პროდუქტები, რომელთა საშუალებითაც გაიზარდა ავტოდაზღვევის ხელმისაწვდომობა და მომხმარებელს მიეცა საშუალება, მათი ინდივიდუალური საჭიროებების მიხედვით თავად აირჩიოს ავტოდაზღვევის მინიმალური, სტანდარტული და სრული პაკეტები. 2025 წლის სექტემბერში ალდაგმა ცალკეულ სეგმენტს, ტოიოტას მომხმარებლებს შესთავაზა ბაზრის სიახლე- ქეშბექ აქცია, რომელიც 15 დეკემბრის ჩათვლით ხელმისაწვდომია და გულისხმობს 25%-იან ფასდაკლებას ავტოდაზღვევაზე, კონკრეტულად ტოიოტას ორი მოდელის, RAV4 და Camry შემთხვევაში.

“ამით კომპანია ცდილობს, გაზარდოს ავტომფლობელთა მოტივაცია, მიმართონ დაზღვევას, როგორც რისკის მართვის მექანიზმს და ავტოდაზღვევის პროდუქტები გახდეს მეტად ხელმისაწვდომი. მოხარული ვართ, რომ შეგვიძლია ვიყოთ სანდო პარტნიორი ადამიანებისა და ბიზნესებისთვის. ალდაგმა კიდევ ერთხელ დაამტკიცა, რომ დაზღვევა არის რისკების მართვის საუკეთესო მექანიზმი. წელს, მომხმარებლებს ბევრი სიახლე შევთავაზეთ და 2026 წელსაც, ვეცდებით, რომ სიახლეებთან ერთად, ისეთი სერვისები შევთავაზოთ, რომლებიც როგორც ინდივიდებს, ისე ბიზნესებს ფინანსური რისკების სწორად მართვაში დაეხმარებათ,” - აცხადებს ალდაგის გენერალური დირექტორი, გიორგი ბარათაშვილი.

2025 წელს ალდაგმა მნიშვნელოვანი ინიციატივები განახორციელა საოპერაციო მართვის მიმართულებითაც. კომპანიამ დაიწყო თანამედროვე CRM პლატფორმის ეტაპობრივი დანერგვა, რომელმაც მომხმარებელთან ურთიერთობის მართვა ახალ ეტაპზე გადაიყვანა და მომსახურების ხარისხი მნიშვნელოვნად გააუმჯობესა.

2025 წელს კომპანიამ ინვესტიცია განახორციელა პერსონალური სადაზღვევო მომსახურების — პრიმოს განვითარებაში, როგორც სერვისის გაუმჯობესების, ისე სპეციალური შეთავაზებების შემუშავების მიმართულებით, რომლის შედეგადაც პრიმოს მომხმარებლები პირადი მენეჯერის მომსახურებით სარგებლობენ და განსაკუთრებულ პირობებს იღებენ დაზღვევასა და ავტოსერვისებზე. 2025 წელს ალდაგი იყო არაერთი ავტოცენტრის მზღვეველი პარტნიორი, გაიხნა პრიმოს ფილიალი (პოლიტკოვსკაიას 16) და პრიმოს მომხმარებელს შესაძლებლობა მიეცა, მიეღო საუკეთესო გამოცდილება როგორც სერვისის მიღების, ისე ბენეფიტებით სარგებლობის კუთხით.

ანაზღაურების მოქნილი და სწრაფი სქემის დამსახურებით, ბოლო წლების განმავლობაში ალდაგის მიმართ ნდობა, ფერმერებს შორის, კიდევ უფრო გაიზარდა და დღეს, ალდაგი, აგროდაზღვევის ბაზრის 83% ფლობს. კომპანია აქტიურად ვითარდება არასასიცოცხლო დაზღვევის ყველა სეგმენტში, ნერგავს ინოვაციებს და მომხმარებლებს არაერთ ხელშესახებ სარგებელს სთავაზობს.

2025 წელს ალდაგის საერთაშორისო რეიტინგი გაუმჯობესდა. საერთაშორისო სარეიტინგო კომპანია AM Best-მა ალდაგის ფინანსური სიძლიერის რეიტინგი (Financial strength rating) გააუმჯობესა და Bდან B+, ხოლო საკრედიტო რეიტინგი bb+დან bbb- მიანიჭა.

AM Best-ის შეფასებით, ალდაგის საკრედიტო რეიტინგი მის ფინანსურ სიძლიერეზე, საოპერაციო და საწარმოო რისკების ეფექტურობასა და წარმატებულ ანდერაიტინგზე მიუთითებს.

„მოხარული ვართ, რომ მიუხედავად არაერთი გამოწვევისა, დაზღვევის ბიზნესი აქტიურად ვითარდება. მომხმარებელში დაზღვევის აუცილებლობის შესახებ ცნობიერება წლიდან წლამდე იზრდება. ჩვენი მხრივ, მზად ვართ, რომ მზარდი მოთხოვნა დავაკმაყოფილოთ ჩვენი სერვისებისა და პროდუქტების კიდევ უფრო განვითარებით და დავეხმაროთ, როგორც საცალო ისე ბიზნეს მომხმარებელს, რისკების ეფექტურად მართვაში“, — განაცხადა ალდაგის გენერალურმა დირექტორმა, გიორგი ბარათაშვილმა.