ალდაგის შეთავაზება ელექტრო ავტომობილების მომხმარებლებს
სადაზღვევო კომპანია ალდაგისა და EV Power-ის პარტნიორობის ფარგლებში, მომხმარებლები, რომლებსაც ელექტრო ავტომობილები ალდაგში ჰყავთ დაზღვეული, ივი ფაუერის დამუხტვის სადგურებზე 20%-იანი ფასდაკლებით ისარგებლებენ.
EV Power ელექტრომობილების დამტენი სადგურების ქსელია საქართველოში, რომლის მიზანია EV მძღოლებს შესთავაზოს ავტომობილების დამუხტვა სწრაფად, მარტივად და ხარისხიანად.
„მოხარულები ვართ, რომ საქართველოში დამკვიდრდა ელექტრო მანქანების მოხმარების გამოცდილება. მომხმარებლების რაოდენობა, რომლებსაც ელექტრო მანქანების დაზღვევა სურთ, ყოველდღიურად იზრდება. ალდაგი ერთ-ერთი პირველი კომპანიაა, რომელშიც ყველაზე მეტი ელექტრო მანქანაა დაზღვეული, შესაბამისად, ვცდილობთ, მძღოლებს დაზღვევის ამ კონკრეტულ მიმართულებაზე ინდივიდუალურად მორგებული პირობები და ისეთი უპირატესობები შევთავაზოთ, რომ მაქსიმალური კომფორტი მიიღონ ავტო დაზღვევით,“ - აცხადებენ ალდაგში.
ალდაგში, ელექტრო მანქანების დაზღვევაზე მომხმარებლები ინდივიდუალური პირობებით სარგებლობენ და მომსახურებას სპეციალურად დაკომპლექტებული გუნდისგან იღებენ, რომლებიც ინდუსტრიის მცოდნე სპეციალისტები არიან. ალდაგის ელექტრო მანქანების დაზღვევა, მაქსიმალური ანაზღაურებით ფარავს ყველა შესაძლო ან/და განსხვავებულ რისკს, რაც შეიძლება ელექტრო მანქანის ფლობას ახლდეს: ავტოსაგზაო შემთხვევა, გარეგანი დაზიანება, ელემენტების შეკეთება ან/და შეცვლა, სტიქია (სეტყვა, მიწისძვრა), ვანდალიზმი, ქურდობა, ძარცვა, ხანძარი და ა.შ.
დღის ტოპ 10 სიახლე
საქართველოს ტექნიკური უნივერსიტეტის სტუდენტები სწავლას წამყვან ავსტრიულ უნივერსიტეტში გაარგძელებენ
სხვა სიახლეები
ინოვაცია ქართულ ბაზარზე: „კოსმომ“ მომხმარებლებს ყურძნის წიპწის ტყავის ჩანთა შესთავაზა
17.02.2026.16:00
ხელნაკეთი ჩანთებისა და აქსესუარების მწარმოებელი კომპანია Cosmo საკუთარ მომხმარებლებს სიახლეებით მუდმივად ანებივრებს. ბრენდმა მიმდინარე ასორტიმენტს სულ ახლახან ყურძნის წიპწის ტყავისგან დამზადებული ჩანთა დაამატა. ამის შესახებ Business Insider Georgia-ს კომპანიის თანადამფუძნებელმა, სოფი მუხულიშვილმა განუცხადა.
„ასორტიმენტს დავამატეთ ყურძნის წიპწის ტყავისგან დამზადებული უნიკალური ჩანთა, რომელიც იტალიაში უმაღლესი ტექნოლოგიით იწარმოება.
უნიკალური ბიომასალა ყურძნის ნარჩენებისგან მზადდება.
პირველად საქართველოში ჩვენ შევქმენით ყურძნის წიპწის ტყავისგან კოლექცია, რომლითაც "კოსმო" იქცევა საერთაშორისო მდგრადი მოდის ნაწილად.
აღნიშნული მოდელი ლიმიტირებულ კოლექციას ეკუთვნის, წარმოდგენილია მცირე რაოდენობით და მომხმარებლებს ჩვენს ფილიალებში შეუძლიათ მისი შეძენა “, - აცხადებს სოფი მუხულიშვილი.
ცნობისთვის, "კოსმოს" ბრენდით ხელნაკეთი ჩანთები და აქსესუარები საქართველოში 2015 წელს გამოჩნდა, თუმცა კომპანიის ბიზნეს-მოდელი მალევე გასცდა ხელნაკეთი ნივთების ნიშურ საზღვრებს, ჩამოყალიბებული საწარმოს ფორმა მიიღო და საკუთარი პროდუქცია მომხმარებლებს ონლაინ-რეჟიმშიც შესთავაზა.
როგორია Espressomobil Georgiaს გაფართოების გეგმები - კომპანიის მთავარი გამოწვევა კადრების დეფიციტია
17.02.2026.14:00
გრძელვადიან პერსპექტივაში შავი ზღვის წყალქვეშა კაბელის მიზანი საქართველოს ენერგეტიკული სტაბილურობისა და უსაფრთხოების უზრუნველყოფაა - ლევან ვეფხვაძე
17.02.2026.12:42
ენერგეტიკული სისტემის სტაბილურობა მნიშვნელოვნად დამოკიდებულია მზისა და ქარის სადგურების სწორი ინტეგრაციაზე - ლევან ვეფხვაძე
17.02.2026.12:37
Eagle Hills-მა საქართველო უძრავი ქონების საერთაშორისო ინვესტორებისთვის საინვესტიციო სამიზნედ აქცია - ლევან ვეფხვაძე
17.02.2026.12:27
