ალდაგის ორგანიზებით მევენახე-ფერმერებთან შეხვედრა შედგა
ალდაგისა და ელკანას პარტნიორობის ფარგლებში, კახეთის რეგიონში, მევენახე-ფერმერებთან ტრენინგ შეხვედრა შედგა, რომლის მიზანი, ფერმერებისთვის კლიმატის ცვლილების რისკების შესამცირებლად, პრაქტიკული რჩევებისა და აღნიშნულ პროცესში, დაზღვევის მნიშვნელობის გაზიარება იყო.
ბიოლოგიურ მეურნეობათა ასოციაცია, ელკანა, ფერმერთა გაერთიანებაა, რომელიც ხელს უწყობს საქართველოს მოსახლეობის სოციალურ-ეკონომიკური მდგომარეობის გაუმჯობესებასა და გარემოს დაცვას;
ღონისძიებაზე მოწვეულმა მეღვინე-ტექნოლოგმა, გიორგი ბარისაშვილმა, ფერმერებს ვენახის მოვლის, კულტივაციისა და ქვევრიანი ღვინის წარმოების შესახებ გაუზიარა ინფორმაცია. ძირითადი აქცენტი, კი, გვალვის შედეგად დამდგარი ზარალის შემცირებაზე და რისკების დაზღვევის მნიშვნელობაზე გაკეთდა.
“აგროდაზღვევა, ჩვენთვის ერთ-ერთი მნიშვნელოვანი მიმართულებაა. ჩვენი მომხმარებლების ნდობის მაჩვენებელი ყოველწლიურად უფრო და უფრო იზრდება. ყოველთვის ვცდილობთ, ფერმერებს, დაზღვევის საუკეთესო პირობებთან ერთად, ინდივიდუალური კომუნიკაციის გზით, ისეთი სარგებელი შევთავაზოთ, რომელიც მათ დაეხმარება წარმოების გაზრდასა და დარგის განვითარებაზე. კლიმატის ცვლილებების გავლენა მევენახეობაზე სულ უფრო საგრძნობი ხდება და აღნიშნული ტრენინგის მიზანიც, ჩვენი მომხმარებლებისთვის, სასარგებლო რეკომენდაციების გაზიარება იყო,“ - აცხადებენ ალდაგში;
ალდაგი, ლიდერია აგროდაზღვევის სფეროში და ფერმერებს დაზღვევის საუკეთესო პირობებთან ერთად, ანაზღაურების უსწრაფეს სისტემას სთავაზობს. ფერმერებს ისეთი კულტურების დაზღვევას შესაძლებლობა აქვთ, როგორიცაა: ვაზი, მარცვლეული, პარკოსანი კულტურები, ბოსტნეული, ბაღჩეული, ხეხილი, კაკლოვანი კულტურები, სუბტროპიკული კულტურები და ციტრუსი. დაზღვევა ისეთ გავრცელებულ რისკებს ანაზღაურებს, როგორიცაა სეტყვა, წყალდიდობა, ქარიშხალი, საშემოდგომო ყინვა (ეს უკანასკნელი მხოლოდ ციტრუსოვანი კულტურებისთვის);
სხვა სიახლეები
17.07.2025.18:00
Tsesi estate არის მყუდრო სასტუმრო რაჭაში, რომელმაც ოპერირება სულ ახლახან დაიწყო. მეტი ინფორმაციისთვის Business Insider Georgia სასტუმროს დამფუძნებელს ზუკა მაისაშვილს ესაუბრა.
„გავხსენით ხუთნომრიანი საოჯახო ტიპის სასტუმრო, რომლის დაჯავშნა შესაძლებელია Airbnb-ისა და Booking.com -ის პლატფორმებზე, აგრეთვე სოციალური ქსელების მეშვეობით. ამ ეტაპზე კვებით მომსახურებას არ ვთავაზობთ ვიზიტორებს თუმცა, წინასწარი შეთანხმების შემთხვევაში, შესაძლებელია ამ საკითხის უზრუნველყოფაც.
პროექტი განხორციელდა ჩვენი საკუთარი რესურსებითა და სოფლის განვითარების სააგენტოს თანადაფინანსებით , მაღალმთიანი მეწარმეობის განვითარების პროექტის ფარგლებში.
სივრცეში, სადაც სასტუმრო მდებარეობს, შესაძლებელია "ღვინუკას" ღვინოების დაგემოვნება. ადგილზე მდებარეობს ბიო სერტიფიცირებული ვენახი, ხოლო სასტუმრო ერთდროულად 10-12 სტუმარს მასპინძლობს.
უკვე გვაქვს ჯავშნები, აგვისტოს ნახევარზე მეტი დაჯავშნილია. ამ ეტაპზე ჯავშნების უმრავლესობა უცხოელებისგან მოდის. აქტიურად ვაგრძელებთ მუშაობას, რათა ტურისტული ნაკადი გაიზარდოს არამხოლოდ სეზონურ, არამედ არასეზონურ პერიოდებშიც. გვინდა, რომ რაჭა მხოლოდ ზაფხულის ტურისტულ ლოკაციად არ დარჩეს “, - აცხადებს ზუკა მაისაშვილი.
აღსანიშნავია, რომ ეს მიმართულება კომპანიის დამფუძნებლისთვის სიახლეა. ამ ეტაპზე ხდება გამოცდილების დაგროვება და მომავალში, ბიზნეს პოტენციალიდან გამომდინარე, შესაძლოა გაფართოებაც.