4GB-ს მუსიკალური ფესტივალი 16 მაისს გაიმართება - პროექტის მხარდამჭერია საქართველოს ბანკი
16 მაისს, რეგიონში ერთ-ერთი ყველაზე მასშტაბური მუსიკალური ფესტივალი 4GB ახალი ფორმატითგაიმართება. ფესტივალი ერთდღიანი იქნება და მასზე მხოლოდ მაიკლ მაიერსი დაუკრავს. პროექტის მხარდამჭერია საქართველოს ბანკი.
4GB ფესტივალი ვიზიტორებს რადიო ქალაქში უმასპინძლებს. ღონისძიებაზე დასასწრები ბილეთების შეძენა ონლაინ, ვებგვერდზე არის შესაძლებელი. გაითვალისწინეთ, ბილეთების რაოდენობა შეზღუდულია.
ამასთან, იმ ადამიანებს, რომლებმაც 4GB-ის ფესტივალის ბილეთები შარშან შეიძინეს და შეინახეს, შესაძლებლობა ექნებათ, როგორც წლევანდელ ივენთს, ასევე მომავალ ფესტივალს განსაკუთრებული სტუმრის სტატუსით დაესწრონ.
ინფორმაციისთვის, 4GB რეგიონში ერთ-ერთი ყველაზე მნიშვნელოვანი მუსიკალური ღონისძიებაა, რომელიც საქართველოში 2011 წლიდან იმართება. სამწლიანი პაუზის შემდეგ, რომელიც კოვიდის პანდემიითა და უკრაინაში მიმდინარე ომით იყო გამოწვეული, ფესტივალი 2023 წელს დაბრუნდა და კვლავ აგრძელებს მსმენელისთვის დაუვიწყარი ემოციებისა და ღირებულებების გაზიარებას.
სხვა სიახლეები
ახალ მომხმარებლებთან ერთად, გვიბრუნდებიან 2-3 წლის წინ არსებული მომხმარებლებიც, რომელთა შენარჩუნება ჩვენთვის ძალიან მნიშვნელოვანია - „ფაჩუჩი“
18.11.2025.18:00
ხელნაკეთი თექის ფაჩუჩების მწარმოებელი კომპანია „ფაჩუჩი“, დაახლოებით სამი წელია ბაზარზე ოპერირებს. კომპანიაში არსებულ სიახლეებსა და სამომავლო გეგმებზე Business Insider Georgia “ფაჩუჩის“თანადამფუძნებელს ელენე ბლიაძეს ესაუბრა.
„აქტიურად ვაგრძელებთ სამუშაო პროცესს და შეკვეთების მიღებას. წარმოდგენილები ვართ რამდენიმე ონლაინ პლატფორმაზე და შეკვეთებს ვიღებთ როგორც ადგილობრივი მომხმარებლებისგან, ისე მიგრანტებისგან.
ახალ მომხმარებლებთან ერთად, გვიბრუნდებიან 2-3 წლის წინ არსებული მომხმარებლებიც, რომელთა შენარჩუნება ჩვენთვის ძალიან მნიშვნელოვანია “, - ამბობს ელენე ბლიაძე.
„ამჟამად, ასორტიმენტი თექის ფაჩუჩებს მოიცავს, თუმცა მომავალში შესაძლოა ჩითის ფაჩუჩებიც დაემატოს.
„ამ ეტაპზე ძირითადად თექის ფაჩუჩებს ვკერავთ, თუმცა ვგეგმავთ განვითარების გაგრძელებას. გვინდა ჩითის ტექნიკაც ვისწავლოთ და ასორტიმენტს ჩითის ფაჩუჩები დავუმატოთ. სამომავლოდ სწორედ ამის განხორციელება გვაქვს გეგმაში “, - აცხადებს კომპანიის თანადამფუძნებელი.
ცნობისთვის, პროდუქციის ფასი დიზაინისა და ზომის მიხედვით განისაზღვრება.
საქართველოს ბანკისა და კომაროვის სკოლის ერთობლივი საგანმანათლებლო პროექტის - STEM ოლიმპიადის საინფორმაციო ონლაინ შეხვედრა გაიმართება
18.11.2025.15:00
თიბისის და GAIA-ს პარტნიორობით AI პროფესიული შეხვედრების სერია - GAIA Meetup გრძელდება
18.11.2025.11:16
ისწავლე AI-ს საფუძვლები საქართველოს ბანკის დაფინანსებით - საქართველოს ბანკი განათლების მთავარი მხარდამჭერია
18.11.2025.11:09
ExpoGeorgia-ს ორგანიზებითა და საქართველოს ბანკის მხარდაჭერით თბილისის წიგნის დღეები 2025 გაიმართა
17.11.2025.17:22
