ბათუმის ტურისტული შესაძლებლობები იძლევა, რადგანაც ავტობანის დასრულების შემდეგ  ქუთაისის საერთაშორისო აეროპორტიდან აჭარაში მოხვედრა უკვე 40-50 წუთში იქნება შესაძლებელი. როგორც Business Insider Georgia-სთან „იელთი ჯგუფის“ აღმასრულებელმა დირექტორმა მამუკა მახარაძემ განაცხადა, თუ კი კონკრეტულ ქალაქთან აეროპორტი 40 წუთზე ნაკლებ სავალში იმყოფება ის ითვლება ტურისტულად მიმზიდველ ქალაქად. 

„რაც შეეხება ბათუმის საერთაშორისო აეროპორტის როლს და მნიშვნელობას  ეს მხოლოდ ჩვენი სუბიექტური პოზიცია არ არის, საერთაშორისო კვლევები ტარდება, ერთ-ერთი ინდიკატორი არის თუ 40 წუთზე ნაკლები მანძილის დაფარვას საჭიროებს აეროპორტიდან ქალაქის ცენტრამდე, ის ითვლება ტურისტულად მიმზიდველ ქალაქად. საერთაშორისო სტანდარტი ასეთი გახლავთ. ქალაქთან ბათუმის აეროპორტის ეს სიახლოვე შეგვიძლია შესაძლებლობად ვაქციოთ. თუმცა რაც შეეხება დამატებითი საერთაშორისო რეისების გახსნას, ეს ალბათ უფრო ხელისუფლებისა და ამ სექტორის წარმომადგენლების მჭიდრო თანამშრომლობით უნდა გადაწყდეს, რაც რა თქმა უნდა დადებითად აისახება ჩვენზე.

თუმცა, ასევე შეგვიძლია დადებით კონტექსტში ვთქვათ ისიც, რომ ქუთაისის აეროპორტი საერთაშორისო მაგისტრალის ავტობანის დასრულების შემდეგ კიდევ უფრო სწრაფად დაკავშირებადი აეროპორტი გახდება აჭარასთან და იმ დაახლოებით 40-50 წუთიან გზის დაფარვის მაჩვენებელს, რასაც საერთაშორისო სტანდარტები ჰქვია, კიდევ მეორე აეროპორტი დაემატება.

შეგვიძლია ესეც დავუკავშიროთ ტურისტული პოტენციალის ზრდას. თუ ჩავთვლით, რომ ქუთაისის აეროპორტიდან აჭარამდე არა უშუალოდ ბათუმამდე, აჭარის რეგიონამდე 50 წუთი სჭირდება ტურისტს მანძილის დასაფარად, ის იმ სტანდარტებში ჩაჯდება როცა მომხიბვლელობა იზრდება ქალაქის ტურისტული შესაძლებლობის“, - აღნიშნა მამუკა მახარაძემ.