2026 წლისთვის „მარილა“ წარმოების ზრდას გეგმავს
„მარილა“ პირველი ქართული ღვინის მარილის მწარმოებელი კომპანიაა, რომელიც ორი წლის წინ დაარსდა. კომპანიის დამფუძნებელი თამარ აბულაძე Business Insider Georgia - სთან 2026 წლის გეგმებზე საუბრობს.
„2026 წლისთვის, „მარილა“ საწარმოო პროცესის გაზრდას გეგმავს, რაც კიდევ უფრო მეტ სამუშაო ადგილს შექმნის და ასორტიმეტისა და პროდუქციის რაოდენობის ზრდას შეუწყობს ხელს.
ასევე იგეგმება საექსპორტო ქსელის გაფართოვება აშშ-ს სხვა შტატებსა და ჩრდილოეთ ევროპაში.
კომპანია განაგრძობს ხარისხიან და ძვირადღირებულ ნედლეულზე მუშაობას, რაც მკაფიოდაა ასახული „მარილას“ თითოეული პროდუქტის გემოში, ფერში, არომატებში, შეფუთვასა და რაც მთავარია აზრში.
ამ ასორტიმენტითა და აქტიურობით, „მარილა“ გამორჩეული ბრენდი გახდა ბაზარზე და კვლავ ინარჩუნებს ლიდერულ და ინოვაციურ ნიშას “, - აცხადებს თამარ აბულაძე.
ცნობისთვის, „მარილა“ იქმნება კომპანიის მიერ შემუშავებული სპეციალური მეთოდით. რეცეპტი დაცულია საქპატენტში, როგორც „მარილას“ მეთოდური ნაშრომი.
დღის ტოპ 10 სიახლე
სხვა სიახლეები
„მეტროპოლს“ გაყიდვების კუთხით ბაზრის 5% უკავია - მამუკა იმედაშვილი
09.01.2026.19:00
„ძირითადი ფინანსური გეგმები, რაც დასახული გვქონდა, თითქმის 100%-ით შევასრულეთ“, - ამის შესახებ გადაცემა „იმედის დილაში“, რუბრიკა Business Insider Georgia-ში საუბრისას, „მეტროპოლის“ გენერალური დირექტორის მოადგილემ მამუკა იმედაშვილმა განაცხადა.
მისივე განმარტებით, გაყიდვების კუთხით „მეტროპოლს“ ბაზრის 5% უკავია.
„ჩვენ მუდმივად ვადევნებთ თვალს ანალიტიკას და შემიძლია ვთქვა, რომ 2025 წელს ჩვენი ძირითადი ფინანსური გეგმები, რაც დასახული გვქონდა, თითქმის 100%-ით შევასრულეთ. წლის დასაწყისსა და შუა პერიოდში იყო გარკვეული ტურბულენტობა, რასაც ცნობილ ფაქტორებიდან გამომდინარე გამოწვევებს ვეძახით, თუმცა ბოლო პერიოდში ეს ყველაფერი მნიშვნელოვნად დასტაბილურდა და მგონია, რომ დინამიკა კიდევ უფრო დადებითი იქნება.
რაც შეეხება ჩვენს წილს, როგორც ვაკვირდებით, დღეის მდგომარეობით „მეტროპოლს“ გაყიდვების კუთხით ბაზრის 5% უკავია. ანუ 2025 წელს თბილისში გაიყიდა დაახლოებით 350 ბინა, ხოლო ბათუმში - დაახლოებით 200, რაც წინა წელთან შედარებით დაახლოებით 15–20%-იან ზრდას ნიშნავს“, - აღნიშნა მამუკა იმედაშვილმა.
წინა წელთან შედარებით ვიზიტორების რაოდენობა გაიზარდა - „ედის დაჩა“ 2025 წლის შედეგებისა და სამომავლო გეგმების შესახებ
09.01.2026.18:00
2025 წელი გამორჩეულად პოზიტიური, გამოწვევებით სავსე და ზრდაზე ორიენტირებული იყო - Pabellón Hotel
09.01.2026.16:00
2026 წელს უძრავი ქონების ბაზარზე ფასების მკვეთრი ცვლილება ნაკლებად მოსალოდნელია - „კედარო ჯგუფის“ თანადამფუძნებელი
09.01.2026.14:00
ქსელის გაფართოება და საკუთარი მომხმარებლებისთვის მეტი ონლაინ შესაძლებლობების შეთავაზება - როგორია „გუდვილის“ 2026 წლის გეგმები
09.01.2026.12:00
