2025 წელი Lopota Lake Resort & Spa - ლოპოტა სპა რეზორტი-სთვის საკმაოდ წარმატებული იყო, ისევე როგორც წინა წლები, - ასე აფასებს Lopota Lake Resort & Spa-ს კომერციული დირექტორი მაკა ღლიღვაშვილი ტურისტული ობიექტის ოპერირებას 2025 წლის განმავლობაში. მისი თქმით, Lopota Lake Resort & Spa-მ ყველაზე მეტი სტუმარი ადგილობრივი ბაზრიდან მიიღო

„დატვირთულობის მხრივ დადებითი დინამიკა გვაქვს საერთაშორისო ტურიზმის მიმართულებით. განსაკუთრებული პიკი ივლისი-ოქტომბრის პერიოდში დაფიქსირდა. ივნისზე ნეგატიურად იმოქმედა ისრაელი-ირანის კონფლიქტმა.
რაც შეეხება სტუმრების გეოგრაფიას, პირველობას კვლავ საქართველოს ბაზარი ინარჩუნებს, თუმცა მნიშვნელოვანი ზრდა გვაქვს ისრაელის მიმართულებიდან. ასევე, მზარდი ინტერესი შეინიშნება ინდოეთიდან, თუმცა ჯერ ბიზნეს კონვერსია ამ მიმართულებიდან ჯერ დაბალია. ხოლო GCC-ის ქვეყნებიდან ვიზიტები სტაბილურობას ინარჩუნებს. ბაზრების დივერსიფიცირება ერთ-ერთ უდიდეს და უმნიშვნელოვანეს გამოწვევად რჩება“, - აცხადებს Lopota Lake Resort & Spa-ს კომერციული დირექტორი.

მაკა ღლიღვაშვილის განმარტებით, Lopota Lake Resort & Spa-ს ხელწერა მუდმივი განვითარება და სიახლეების შეთავაზებაა.

„წელს ჩვენთვის უმნიშვნელოვანესი სიახლეა პარტნიორობა მსოფლიოში აღიარებულ შვეიცარიულ ბრენდთან - Valmont-თან. 28 ნოემბრიდან Lopota Lake Resort & Spa-ს სწორედ Valmont-თან კოლაბორაციით მუშაობს. ჩვენმა გუნდმა სრული გადამზადება გაიარა საერთაშორისო ტრენერებთან და სტუმრებს უკვე ვთავაზობთ ექსკლუზიურ პროცედურებს Valmont-ის პროდუქციითა და უნიკალური მეთოდოლოგიით.
გარდა ამისა, ზაფხულის სეზონს განახლებული ინფრასტრუქთურით შევხვდით: სტუმრების კომფორტისთვის განახლდა ოთახები და საცურაო აუზი. უკვე მეორე სეზონია, რაც უქმეებზე ჩვენი ჯაზკლუბი ცოცხალი მუსიკის საღამოებს მასპინძლობს, ასევე დიდი პოპულარობით სარგებლობს მყუდრო რუფტოპ ბარი და, რა თქმა უნდა, Green Aqua ზაფხულის ცხელ დღეებში“, - აცხადებს ტურისტული ობიექტის კომერციული დირექტორი.