დიდი ისტორიის მქონე ბრიტანული ყავის სახლების ქსელი Costa Coffee საქართველოში ოფიციალურად 2025 წლის მაისში შემოვიდა. კომპანიის დირექტორი, ელენე ჯგერენაია Business Insider Georgia - სთან 2025 წელს აფასებს და 2026 წლის გეგმებზე საუბრობს.

- როგორ აფასებთ 2025 წელს?

2025 წელი Costa Coffee საქართველოსთვის ძალიან მნიშვნელოვანი ეტაპი იყო.
საერთაშორისო ბრენდის სტანდარტების ქართულ ბაზარზე ჩამოყალიბება და სწორად ინტეგრირება საკმაოდ საინტერესო პროცესი გახლავთ, რომელიც უწყვეტად მიმდინარეობს, რათა მომხმარებლების გამოცდილებასა და ხარისხის გაუმჯობესებაზე მუდმივად ვიზუნოთ.

წლის განმავლობაში ჩამოყალიბდა ქსელის სტრუქტურა, გაიზარდა ბრენდის ხელმისაწვდომობა, Costa Coffee გახდა მომხმარებელთა ყოველდღიური რუტინის მნიშვნელოვანი ნაწილი.

ჩვენთვის პრიორიტეტი იყო, რომ სტუმრებისთვის შეგვეთავაზებინა მაღალი ხარისხის პროდუქტი, გვემუშავა გუნდის გაძლიერებაზე და მომხმარებელთა საჭიროებებზე მორგებულ სერვისზე.

- როგორი გეგმები გაქვთ 2026 წლისთვის, განსაკუთრებით გაფართოების მიმართულებით?

2026 წელს Costa Coffee გეგმავს გაფართოებას. მომავალ წელს დაგეგმილია დამატებით 5 ახალი ობიექტის გახსნა, როგორც თბილისში, ისე თბილისის ფარგლებს გარეთ, რაც ქსელის სტრატეგიული ზრდის მნიშვნელოვანი ნაწილი იქნება.

ჩვენი მიზანია, რომ Costa Coffee საქართველოში ჩამოყალიბდეს როგორც ბრენდი, რომელიც უზრუნველყოფს მაღალი ხარისხის გამოცდილებას და მომხმარებლებისთვის ქმნის კომფორტულ, თანამედროვე და მეგობრულ გარემოს, სადაც მაღალი ხარისხი და ხელმისაწვდომობა ერთიანდება.