2026 წელს „ჩირიფრუტი“ გაფართოებას და ახალ საწარმოში გადასვლას გეგმავს
ქართული ტკბილეულის მწარმოებელი კომპანია „ჩირიფრუტი“
რომელიც ბაზარზე 2014 წლიდან ოპერირებს გაფართოებას გეგმავს. ამის შესახებ Business Insider Georgia - ს კომპანიის დამფუძნებელმა სოფიო ჯიქიამ განუცხადა.
„2026 წელს ვგეგმავთ ნატახტარში არსებული ფართის სრულად მოწყობას. დასრულდება ინფრასტრუქტურული სამუშაოები და შიდა ინვენტარიზაცია, რის შემდეგაც კომპანია სრულად გადაინაცვლებს ნატახტარში, დიდ საწარმოში, რაც თავისთავად ხელს შეუწყობს გაყიდვების ზრდას და ახალი ფილიალების დამატების შესაძლებლობას.
„ჩირიფრუტი“ - ტყლაპისა და ჩირის ოჯახური ბიზნესი ქართულ ბაზარზე 2014 წელს გამოჩნდა. ბრენდი აერთიანებს 80-მდე სახეობის ტკბილეულს, რომელიც მზადდება ეკოლოგიურად სუფთა გარემოში, დანამატებისა და კონსერვანტების გარეშე.
დღის ტოპ 10 სიახლე
სხვა სიახლეები
დეველოპერულ სექტორში დინამიკა კიდევ უფრო დადებითი იქნება - „მეტროპოლი“
09.01.2026.10:10
დეველოპერულ სექტორში დინამიკა კიდევ უფრო დადებითი იქნება - ამის შესახებ გადაცემა „იმედის დილაში“, რუბრიკა Business Insider Georgia-ში საუბრისას, „მეტროპოლის“ გენერალური დირექტორის მოადგილემ მამუკა იმედაშვილმა განაცხადა. მისი თქმით, ბაზარზე ფასების ზრდა კიდევ არის მოსალოდნელი.
„დეველოპმენტის ბაზარზე ხშირად გვესმის საუბარი იმის შესახებ, რომ გაყიდვები დავარდა, ბაზარი გაფუჭდა, ფასები მცირდება და ა.შ. ფაქტები ამ ყველაფრის საპირისპიროდ მუშაობს. ჩვენ ვხედავთ, რომ „იგლ ჰილსი“ ახსენეთ და შეიძლება ითქვას, რომ გარკვეულ მომენტში ჩვენი კონკურენტია, თუმცა ჩვენ ასე არ ვუყურებთ. ეს საერთო ბაზრისთვის, დიდი სურათის ჭრილში, ძალიან მნიშვნელოვანი პროცესია ქვეყნისთვის და მათ შორის დეველოპერული სექტორისთვის, რადგან ეს მოთხოვნას კიდევ უფრო გაზრდის არა მხოლოდ კონკრეტულ კომპანიებში, არამედ მთლიანად ბაზარზე.
მეორეს მხრივ, ზოგადად გაყიდვების ზრდასაც ვაკვირდებით და წინა წელთან შედარებით დაახლოებით 15–20%-იანი ზრდაა, რაც მიუთითებს, რომ მოთხოვნა კიდევ უფრო იზრდება. მესამე საკითხი ფასებს ეხება - ერთადერთი, სადაც მცირე შემცირება დაფიქსირდა, საიჯარო სეგმენტია, თუმცა გაყიდვების კუთხით ფასები კვლავ იზრდება. ამ ყველაფრიდან გამომდინარე, ვფიქრობთ, რომ მომავალში დინამიკა კიდევ უფრო დადებითი იქნება, ფასების ზრდაც მოსალოდნელია და სწორედ აქედან გამომდინარე ვაპირებთ 100 მლნ დოლარის რეინვესტირებას, რათა სტაბილურად და გრძელვადიანად ვიყოთ წარმოდგენილი ამ ბაზარზე“, - აღნიშნა იმედაშვილმა.
