2025 წელი, მიუხედავად ბევრი სირთულისა, ჩვენთვის ძალიან წარმატებული აღმოჩნდა , - ამის შესახებ Business Insider Georgia-ს ბრენდული ჩანთების, ფეხსაცმელებისა და ქურთუკების დელიკატური წმენდისა და რესტავრაციის კომპანია Hamptons & Soles -ის დამფუძნებელმა, ირაკლი ბაღოშვილმა, განუცხადა.

„2025 წელი, მიუხედავად ბევრი სირთულისა, ჩვენთვის ძალიან დატვირთული და წარმატებული აღმოჩნდა. დავნერგეთ ისეთი სიახლეები, რომლებსაც საქართველოში პრაქტიკულად ანალოგი არ ჰქონდა და ბაზარზე შემოვიყვანეთ მსოფლიოში აღიარებული პრემიუმ კლასის ბრენდი Saphir.

დავიწყებ წლის ბოლოდან და წლის ყველაზე მნიშვნელოვანი მოვლენით: Hamptons & Soles გახდა ფრანგული Saphir-ის ოფიციალური ამბასადორი და ავტორიზებული რითეილერი საქართველოში. ეს არის აღიარება, როდესაც გლობალური პრემიუმ კლასის ბრენდი, რომელიც ცნობილია ხარისხის საერთაშორისო ჯილდოებით, გვენდობა სტანდარტის, ცოდნისა და ბრენდის რეპუტაციის დაცვაში.

ამავე კონტექსტში, 2025 წელს გახსნილ ჩვენს სერვის-შოპში ვუმასპინძლეთ Saphir-ის პრეზიდენტს და ბიზნეს განვითარების მენეჯერს. ვიზიტის ფარგლებში გუნდმა გაიარა კვალიფიკაციის ამაღლების პროგრამა, ჩატარდა პრაქტიკული მასტერკლასები, ასევე გვქონდა შეხვედრები მომხმარებლებთან. შედეგად, სერვის-შოპის ასორტიმენტს დაემატა მაღალი კლასის არაერთი ახალი პროდუქტი, რომელიც მომხმარებელს შეუძლია ადგილზევე დატესტოს და მიიღოს პრაქტიკული კონსულტაცია/მასტერკლასი. ჩვენი მიზანია მომხმარებელს ვასწავლოთ კოსმეტიკის სწორად გამოყენება, რათა ძვირფასი ნივთების მოვლა იყოს უსაფრთხო და სწორი ყოველდღიურ რეჟიმში.

ოპერაციული შედეგებით 2025 წელი ასევე ძლიერი აღმოჩნდა: მომხმარებელთა რაოდენობა 2024 წელთან შედარებით 53%-ით გაიზარდა - ეს არის მკაფიო ინდიკატორი, რომ პრემიუმ მოვლის სეგმენტში მოთხოვნა და ხარისხზე ორიენტირებული არჩევანი მნიშვნელოვნად იზრდება. ამ ზრდის პარალელურად ბაზარს მუდმივად ვთავაზობთ ახალ სერვისებს; სერვის-შოპის გარდა 2025 წელს დავამატეთ ახალი მიმართულება - Solo Concierge.

Solo Concierge არის Hamptons & Soles-ის პრემიუმ კლასის ინდივიდუალური მომსახურების პროგრამა, რომელიც მომხმარებელს აძლევს შესაძლებლობას მიიღოს პირადი გარდერობის ასისტენტი/კონსულტანტი, რომელიც სრულად მართავს მის ფეხსაცმელს, ჩანთებსა და აქსესუარებს. პროგრამა მოიცავს:

• დისტანციურ მომსახურებას — ფილიალში მოსვლის გარეშე;

• პირად კონსულტანტს, რომელიც იცნობს მომხმარებლის გარდერობს, ნივთების ისტორიას და საჭიროებებს;

• მოვლის კალენდრის მართვას — რა როდის სჭირდება ნივთს (წმენდა/დატენიანება/დაცვა/შენახვა);

• პროდუქციის პერსონალურ შერჩევას — კონკრეტული ნივთისთვის შესაბამისი კრემი/სპრეი/ბალზამი;

• კურიერის მომსახურებას — ნივთის აღება/მიტანა;

• მომხმარებლის დროის ეკონომიას — რადგან პროცესს მთლიანად მართავს Solo ასისტენტი “, - აცხადებს ირაკლი ბაღოშვილი.

ცნობისთვის, კომპანია 2022 წლიდან ოპერირებს ბაზარზე და ამ ეტაპზე ორ ფილიალს აერთიანებს. ფილიალები მდებარეობს: ილია ჭავჭავაძის გამზირი №37 (Axis Towers), ძმები კაკაბაძეების ქ. №7 (რუსთაველის „მაკდონალდსთან“).