„100% ბამბამ" ახალი, ფერადი და კონცეპტუალური ფილიალი გახსნა თბილისის გულში - ვერაზე, კოსტავას 24-ში , - ამის შესახებ, Business Insider Georgia - ს კომპანიის დამფუძნებელმა ნატა ნათაძემ განუცხადა.

როგორია კომპანიის მიმდინარე სიახლეები?

გავხსენით ახალი ფილიალი. ეს არის სივრცე, სადაც როგორც ბავშვები, ისე მშობლები ჯადოსნურ, ზღაპრულ გარემოში ხვდებიან. მაღაზიის კონცეფცია Candy store სტილზეა დაფუძნებული - ინტერიერი შექმნილია ფერადი, ნათელი და ემოციურად ბედნიერი ატმოსფეროს შესაქმნელად.

როგორია მიმდინარე ასორტიმენტი?

ბრენდი მომხმარებლებს სთავაზობს :

• დაფასოებული ბამბის ნაყინი და ბამბის ნაყინის ტორტები სხვადასხვა გემოთი;
• გურმე პოპკორნის მრავალფეროვანი არჩევანი „პოპი"-ს ხაზიდან;
• ყავა, ცხელი შოკოლადი და სხვა ტკბილეულობები.

ამასთან ერთად, მიმდინარეობს მოლაპარაკება როგორც საერთაშორისო, ასევე ადგილობრივ შოკოლადის მწარმოებლებთან, რათა მომხმარებლებისთვის კიდევ უფრო მრავალფეროვანი და მაღალი ხარისხის შოკოლადების არჩევანი გვქონდეს. ასორტიმენტი ეტაპობრივად გაფართოვდება.

როგორია კომპანიის სამომავლო გეგმები?

კომპანიის მთავარი მიზანია მომხმარებლებისთვის უფრო ფართო, მრავალფეროვანი და ემოციურად დასამახსოვრებელი გამოცდილების შექმნა.

მომდევნო ეტაპზე იგეგმება:

• ასორტიმენტის კიდევ უფრო გაფართოება;
• თანამშრომლობა პრემიუმ შოკოლადის ბრენდებთან;
• ახალი პროდუქტების დამატება გურმე პოპკორნის ხაზში.

ცნობისთვის, კომპანია აქტიურად მუშაობს სადღესასწაულო ღონისძიების მიმართულებითაც, იქნება ეს დაბადების დღე, კორპორატიული საღამო თუ ნებისმიერი გასართობი ღონისძიება.